ਸਿੱਖ ਇਤਿਹਾਸ ਵਿੱਚ ਪੌਂਟਾ ਸਾਹਿਬ ਇੱਕ ਅਜਿਹਾ ਪਾਵਨ ਅਸਥਾਨ ਹੈ ਜੋ ਦਸ਼ਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਜੀਵਨ ਨਾਲ ਜੁੜੀਆਂ ਕਈ ਘਟਨਾਵਾਂ ਨੂੰ ਰੂਪਮਾਨ ਕਰਦਾ ਹੈ। ਦੇਸ਼ ਵਿਦੇਸ਼ਾਂ ਤੋਂ ਸਾਰਾ ਸਾਲ ਵੱਡੀ ਗਿਣਤੀ ਵਿੱਚ ਸੰਗਤਾਂ ਇੱਥੇ ਨਤਮਸਤ ਹੁੰਦੀਆਂ ਹਨ ਨਿਤ ਵਧ ਰਹੀ ਸੰਗਤਾਂ ਦੀ ਆਮਦ ਕਰਕੇ ਪੁੰਟਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਸੰਗਤਾਂ ਦੀ ਰਿਹਾਇਸ਼ ਪਾਰਕਿੰਗ ਅਤੇ ਸਮੇਂ ਦੀ ਲੋੜ ਅਨੁਸਾਰ ਫਰੰਟ ਐਲੀਵੇਸ਼ਨ ਦੇ ਨਵੀਨੀਕਰਨ ਅਤੇ ਪ੍ਰਬੰਧਕੀ ਬਲਾਕ ਦੀ ਉਸਾਰੀ ਦੀ ਸੇਵਾ ਸੰਤ ਬਾਬਾ ਬਸ਼ਮੀਤ ਸਿੰਘ ਜੀ ਭੂਰੀ ਵਾਲਿਆਂ ਨੂੰ ਸੌਂਪੀ ਹੈ।

7 ਅਪ੍ਰੈਲ, 2023 ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ, ਤਖਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਦੇ ਜਥੇਦਾਰ ਗਿਆਨੀ ਰਣਜੀਤ ਸਿੰਘ ਗੌਹਰ ਏ ਮਸਕੀਨ ,bਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ,ਸੰਤ ਬਾਬਾ ਕਸ਼ਮੀਰ ਸਿੰਘ ਜੀ ਭੂਰੀ ਵਾਲੇ , ਬਾਬਾ ਨਰਿੰਦਰ ਸਿੰਘ ਹਜੂਰ ਸਾਹਿਬ ਵਾਲੇ ਸ਼੍ਰੋਮਣੀ ਕਮੇਟੀ ਦੇ ਜਨਰਲ ਸਕੱਤਰ ਸਰਦਾਰ ਨੈਲ ਸਿੰਘ ਪੰਜੋਲੀ ਅਤੇ ਮੀਤ ਸਕੱਤਰ ਸ ਰਾਮ ਸਿੰਘ ਭਿੰਡਰ ਨੇ ਸੇਵਾਦਾਰ ਟੱਪਾ ਲਗਾਇਆ ਪਾਊਟਾ ਸਾਹਿਬ ਪ੍ਰਬੰਧਕ ਕਮੇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਸ ਹਰਭਜਨ ਸਿੰਘ, ਜਨਰਲ ਸਕੱਤਰ ਬਾਬਾ ਨਾਗਰ ਸਿੰਘ, ਬਾਬਾ ਸਤਨਾਮ ਸਿੰਘ ਕਿਲਾ ਅਨੰਦਗੜ੍ਹ, ਬਾਬਾ ਅਜਾਇਬ ਸਿੰਘ ਗੁਰੂ ਕਾ ਬਾਗ ,ਬਾਬਾ ਦਿਲਬਾਗ ਸਿੰਘ ਅਨੰਦਪੁਰ ਸਾਹਿਬ , ਬਾਬਾ ਅਵਤਾਰ ਸਿੰਘ ਧੱਤਲ , ਮਹੰਤ ਰਣਜੀਤ ਸਿੰਘ ਗੋਨਿਆਣਾ ਮੰਡੀ , ਬਾਬਾ ਨਿਰਮਲ ਸਿੰਘ ਭੁਰੀਵਾਲੇ , ਬਾਬਾ ਸੁਖਵਿੰਦਰ ਸਿੰਘ ਭੂਰੀਵਾਲੇ,ਗ੍ਰੰਥੀ ਗਿਆਨੀ ਸੁਖਵਿੰਦਰ ਸਿੰਘ , ਸ਼੍ਰੋਮਣੀ ਕਮੇਟੀ ਦੇ ਅੰਤਰਿੰਗ ਮੈਂਬਰ ਸ ਹਰਜਾਪ ਸਿੰਘ , ਮੈਂਬਰ ਸ਼੍ਰੋਮਣੀ ਕਮੇਟੀ ਸ ਭਗਵੰਤ ਸਿੰਘ ਸਿਆਲਕਾ , ਸ ਬਾਵਾ ਸਿੰਘ ਗੁਮਾਨਪੁਰਾ , ਸ ਰਾਜਿੰਦਰ ਸਿੰਘ ਮਹਿਤਾ ਤੇ ਸ ਮਗਵਿੰਦਰ ਸਿੰਘ ਖਾਪੜ ਖੇੜੀ , ਪਾਉਂਟਾ ਸਾਹਿਬ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਨ ਸ ਜੋਗਾ ਸਿੰਘ , ਸ ਹਰਪ੍ਰੀਤ ਸਿੰਘ ਸ ਕਰਬੀਰ ਸਿੰਘ ,ਮੈਨੇਜਰ ਸ ਜਗੀਰ ਸਿੰਘ ਤੇ ਮੀਤ ਸਕੱਤਰ ਸ਼੍ਰੋਮਣੀ ਕਮੇਟੀ ਸ ਰਾਮ ਸਿੰਘ ਨੇ ਸਿਰਾ ‘ਤੇ ਬਾਲਟੇ ਚੁੱਕ ਕੇ ਸੇਵਾ ਦੀ ਆਰੰਭਤਾ ਕੀਤੀ।

ਸੇਵਾ ਦੇ ਇਸ ਕਾਰਜ ਵਿੱਚ ਜਮੀਨ ਦੋਸਤ ਪਾਰਕਿੰਗ , ਬਹੁ ਮੰਜਲਾ ਆਧੁਨਿਕ ਸਰਾਂ , ਨਵਾਂ ਐਡਮਿਨ ਬਲਾਕ , ਦਰਸ਼ਨੀ ਡਿਉੜੀ , ਸੂਚਨਾ ਕੇਂਦਰ , ਲਿਟਰੇਚਰ ਹਾਊਸ ਅਜਾਇਬ ਘਰ ਤੇ ਫਰੰਟ ਐਲੀਵੇਸ਼ਨ ਤਿਆਰ ਕੀਤਾ ਜਾਵੇਗਾ ਪਹਿਲੇ ਪੜਾਅ ਦੇ ਸਾਰੇ ਲੈਂਟਰ ਪੈ ਚੁੱਕੇ ਹਨ । ਕਮਰਿਆਂ ਵਿੱਚ ਬਿਜਲੀ ਤੇ ਸੈਨੀਟਰੀ ਦੀ ਮੁਕੰਮਲ ਫਿਟਿੰਗ ਅਤੇ ਡਾਊਨ ਸੀਲਿੰਗ ਦਾ ਕੰਮ ਮੁਕੰਮਲ ਹੋ ਚੁੱਕਾ ਹੈਅਤੇ ਰੰਗ ਦਾ ਕੰਮ ਚੱਲ ਰਿਹਾ ਹੈ।

ਮਗਹਰ ਵਿਖੇ ਸਰਾਂ ਤੇ ਲੰਗਰ ਹਾਲ ਦੀ ਉਸਾਰੀ ਆਰੰਭ:

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਭਗਤ ਕਬੀਰ ਜੀ ਦੀ ਯਾਦ ਵਿੱਚ ਮਗਹਰ (ਗੋਰਖਪੁਰ-ਲਖਨਊ )ਜੀ ਟੀ ਰੋਡ ‘ਤੇ ਸਥਿਤ ਗੁਰਦੁਆਰਾ ਸਾਹਿਬ ਦੀ ਨਵੀਂ ਇਮਾਰਤ , ਯਾਤਰੂਆਂ ਦੀ ਰਿਹਾਇਸ਼ ਲਈ ਨਵੀਂ ਸਰਾਂ ਅਤੇ ਲੰਗਰ ਹਾਲ ਤਿਆਰ ਕਰਨ ਦੀ ਸੇਵਾ ਸੰਤ ਬਾਬਾ ਕਸ਼ਮੀਰ ਸਿੰਘ ਜੀ ਭੂਰੀ ਵਾਲਿਆਂ ਨੂੰ ਸੌਪੀ ਗਈ ਹੈ ਜਿਸ ਦੀ ਆਰੰਭਤਾ ਦਾ ਟੱਪਾ 5 ਜੂਨ 2023 ਨੂੰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ , ਬਾਬਾ ਸੁਖਵਿੰਦਰ ਸਿੰਘ ਜੀ ਭੂਰੀ ਵਾਲੇ , ਭਾਈ ਹਰਜਿੰਦਰ ਸਿੰਘ , ਮਹਿਤਾ ਭਾਈ ਅਜੈਬ ਸਿੰਘ ਅਭਿਆਸੀ , ਸ ਇੰਦਰਜੀਤ ਸਿੰਘ ਜਨਰਲ ਸਕੱਤਰ ਤਖਤ ਸ੍ਰੀ ਹਰਿਮੰਦਰ ਜੀ ਪ੍ਰਬੰਧਕੀ ਬੋਰਡ ਪਟਨਾ ਸਾਹਿਬ , ਸੈਂਟਰਲ ਗੁਰਦੁਆਰਾ ਬੋਰਡ ਝਾਰਖੰਡ ਦੇ ਪ੍ਰਧਾਨ ਸ ਗੁਰਚਰਨ ਸਿੰਘ ਬਿੱਲਾ ਤੇ ਬੀਬੀ ਪਰਮਜੀਤ ਕੌਰ ਤੇ ਤੇ ਸਾਬਕਾ ਮੀਤ ਸਕੱਤਰ ਸ਼੍ਰੋਮਣੀ ਕਮੇਟੀ ਸ ਰਾਮ ਸਿੰਘ ਭਿੰਡਰ ਨੇ ਲਗਾਇਆ ।ਲੰਗਰ ਦੀ ਇਮਾਰਤ ਤੋਂ ਉਪਰ ਹੀ 30 ਕਮਰਿਆਂ ਦੀ ਅਤੀ ਅਵਧੂਨਿਕ ਸਰਾਰ ਤਿਆਰ ਕੀਤੀ ਜਾਵੇਗੀ।